I've got a question...

Q: 咩係 Phocus 自拍照相館?

A: 我地係香港第一間專業自拍照相館,我地提供所有高質素影樓設備包括燈光、相機、背景紙張、實時顯影系統等。係無攝影師既空間,你只需按一下遙控,就可以影出靚相!

 

Q: 你地收費係點架?

A: 我地按人頭收費。價錢可以參考我地嘅價錢表!所有收價都係以一節計算。一節自拍體驗時間為半小時,當中包括選取道具及講解時間。大家可以係一節內任影,我地會將全部相俾翻你,所以記得帶USB或者其他記憶裝置啦!

 

Q: 半個鐘...究竟我地影到幾多張相?

A: 通常半個鐘內,第一次上黎,兩個人會影到 50 張左右。熟手左操作後,第二次會再影得多喲!但係我地相信:慢工出細貨,重質不重量! 

 

Q: 我可以點樣如何預約?

A: 上番我地個預約系統,揀番你地鐘意嘅時間,再填番所需資料,搞掂!

預約系統 : www.bookeo.com/PhocusNow (你放心,我地絕不向第三方透露你的資料)

 

Q: 我地點先可以拎翻D相?

A: 大家可以自備USB / SD 卡,影完相後我地會即時過返相俾大家!

Q: 你地有無得印相?

A: 可以!每張4R相都只係收費 $10

 

Q: 影既時候係會唔會有人望住?

A: 唔會!Phocus 非常重視客人的私隱。為確保每一位客人的私隱度,Phocus 內所有 Studio 內都沒有裝設 CCTV,而房門關上後將會自動鎖上。

 

Q: 我地見你地 Facebook / Instagram Post 好多其他人既相,你地會唔會 Post 我架?

A: 除非經你同意,否則我地係絕對唔會將你嘅相放上網上。所有 Phocus Facebook / Instagram 上的相片皆得到相中人的同意,先會放上去 :)

 

Q: 我真係好驚好驚好驚自己會做陳冠希喎...

A: 如果私隱對你非常重要,我地建議你帶同自己的一張 SD Card。開始時可以同我地職員講,想用自己 SD Card。我地會直接放你張 SD Card 入相機內拍攝,所有拍低嘅相都會存入張 Card 內。而你走嘅時侯直接拎走張 SD Card就可以。咁樣你就可以放心肯定無其他人,包括 Phocus 的職員,都唔會睇到你的相片!

 

Q: 你地幾點開?

A: 早上12時至晚上10時。 Last Booking 為晚上9時。

 

Q: 我可唔可以用自己相機架?

A: 唔可以。因為我地所有相機及設備有特有的設定及調教。

 

Q: 係咪有衫借,有咩道具?

A: 我地有包括公仔衫 (costume),黑版,手抱公仔,氣球等等好多的不同道具!而我地嘅道具亦會隨時間而有所增減。所以如果你真係好想知道有咩道具,最好上黎 Phocus 自己睇下 :)

 

Q: 可唔可以自備道具架?

A: 當然得啦!我們鼓勵大家發揮創意自制道具!

 

Q: BB 點收費架?

A: 所有會呼吸的人或動物都算一人計算! 除了六歲以下小朋友弓之外,其餘皆當作一位計算。

 

Q: 我朋友可唔可以唔影,但係入黎 Studio 等我?

A: 我地會按進入拍攝房間的人頭收費。如果有朋友想等你,可以係外面 Reception 等侯。

 

Q: 如果我 Book 左唔黎,有咩後果?

A: 我地會記錄在案所有沒有通知而不出現,或在預約時間前1小時內才通知的客人。我地會保留下次接受你預約的權利。我地都明白有時臨時有急事。其實如果真係臨時唔得閒,你打俾我地講聲,我地都會好 Appreciate !